Museo de Historia Natural Luís Iglesias

A antiga colección do Museo de Historia Natural da Universidade de Santiago, iniciada en 1840, alóxase nun novo edificio, deseñado por César Portela, situado nun extremo do parque de Vista Alegre, delimitado polo río Sarela.

O edificio, de traza lonxitudinal e baixa altura, estrutura os seus espazos expositivos de acordo coas catro principais seccións do museo, que se adican á zooloxía, a botánica, a xeoloxía, e a antiga colección de dioramas, restaurados para a súa nova instalación.

As representacións figurativas e os acabados artesanais das diferentes ambientacións, aportan coherencia a todo o conxunto expositivo, sumerxindo ao espectador nos distintos "hábitats" que se presentan ao longo de todo o edificio.